កម្មវិធីសិក្សាផ្នែកវិស្វកម្មមេកានិក MEP

កម្មវិធីសិក្សាផ្នែកវិស្វកម្មមេកានិចនៅសាកលវិទ្យាល័យភូមិន្ទភ្នំពេញ (RUPP) គឺជាកម្មវិធីសិក្សាកម្រិតបរិញ្ញាបត្ររយៈពេល ៤ ឆ្នាំ ដែលរួមបញ្ចូលគ្នារវាងចំណេះដឹងទ្រឹស្តី និងការរៀនសូត្រតាមរយៈការអនុវត្តជាក់ស្តែង។ កម្មវិធីនេះផ្តល់ជូននិស្សិតនូវចំណេះដឹង និងជំនាញលើផ្នែកការរចនាមេកានិច និងការផលិត ប្រព័ន្ធថាមពល និងសីតុណ្ហភាព-សន្ទនីយសាស្ត្រ (thermofluid) ប្រព័ន្ធមេកាត្រូនិច និងស្វ័យប្រវត្តិកម្ម ព្រមទាំងការគ្រប់គ្រង និងការអនុវត្តតាមស្តង់ដារវិស្វកម្ម។ និស្សិតនឹងអភិវឌ្ឍជំនាញវិជ្ជាជីវៈ និងជំនាញអនុវត្តជាក់ស្តែងតាមរយៈការរៀនសូត្រដោយផ្ទាល់ ការសហការជាមួយវិស័យឧស្សាហកម្ម និងការស្វែងយល់អំពីបច្ចេកវិទ្យាទំនើបៗ ដូចជា បញ្ញាសិប្បនិម្មិត (AI) បច្ចេកវិទ្យាគ្រឿងយន្តស្វ័យប្រវត្តិ (robotics) យានយន្តអគ្គិសនី ស្វ័យប្រវត្តិកម្ម និងឧស្សាហកម្ម ៤.០ (Industry 4.0)។