ដេប៉ាតឺម៉ង់គ្រប់គ្រងខ្សែសង្វាក់ផ្គត់ផ្គង់ និងវិស្វកម្មស្វ័យប្រវត្តិកម្ម

បង្កើតឡើងក្នុងឆ្នាំ២០២២ ដើម្បីឆ្លើយតបទៅនឹងបដិវត្តឧស្សាហកម្ម ៤.០ ដេប៉ាតឺម៉ង់គ្រប់គ្រងខ្សែសង្វាក់ផ្គត់ផ្គង់ និងវិស្វកម្មស្វ័យប្រវត្តិកម្ម ផ្តល់ជូននូវការអប់រំពហុវិស័យដែលរួមបញ្ចូលគ្នានូវ ការគ្រប់គ្រងអាជីវកម្ម ប្រព័ន្ធឡូជីស្ទីក & ខ្សែសង្វាក់ផ្គត់ផ្គង់ និងវិស្វកម្មស្វ័យប្រវត្តិកម្ម។ ដេប៉ាតឺម៉ង់ផ្តល់ជូនកម្មវិធីសិក្សាអន្តរជាតិរយៈពេល ៤ឆ្នាំ (១៤៤ ក្រេឌីត) រួមទាំងជម្រើសកម្មវិធី ២+២ ក្រោមការសហការជាមួយសាកលវិទ្យាល័យធម្មសាធ (Thammasat University/SIIT) ប្រទេសថៃ ដោយអនុវត្តតាមក្របខ័ណ្ឌ CDIO និងមានកិច្ចសហការយ៉ាងជិតស្និទ្ធជាមួយដៃគូឧស្សាហកម្ម។