ដេប៉ាតឺម៉ង់ទស្សនវិទ្យា

និស្សិតដែលសិក្សា បរិញ្ញាបត្រសិល្បៈផ្នែកទស្សនវិជ្ជា (Bachelor of Arts in Philosophy) ត្រូវបំពេញលក្ខខណ្ឌសិក្សារយៈពេល ៤ ឆ្នាំ។ កម្មវិធីសិក្សានេះសិក្សាអំពីគំនិតទស្សនវិជ្ជានានានៅលើពិភពលោក រួមមានទាំង ទស្សនវិជ្ជាបស្ចិមប្រទេស និងទស្សនវិជ្ជាបូព៌ា។
កម្មវិធីនេះមានគោលបំណងផ្តល់ចំណេះដឹងផ្នែកទស្សនវិជ្ជា និងអភិវឌ្ឍ ការគិតពិចារណា ការគិតបែបរិះគន់ និងជំនាញវិភាគ ក្នុងវិស័យជាច្រើន ដូចជា សេដ្ឋកិច្ច តក្កវិជ្ជា ច្បាប់ សាសនា នយោបាយ សិល្បៈ និងវិទ្យាសាស្ត្រ។

ការសិក្សារួមបញ្ចូលទាំង ទ្រឹស្តី និងការអនុវត្ត ដើម្បីឱ្យនិស្សិតយល់ដឹង និងឱ្យតម្លៃចំពោះតួនាទីរបស់ទស្សនវិជ្ជាក្នុងជីវិត និងសង្គម។
បន្ទាប់ពីបញ្ចប់ការសិក្សា និស្សិតអាចប្រកបអាជីពជា គ្រូទស្សនវិជ្ជា អ្នកសារព័ត៌មាន បុគ្គលិកក្រុមហ៊ុន អ្នកបម្រើការងារក្នុងក្រសួងនានា និងអង្គការមិនមែនរដ្ឋាភិបាល (NGOs)។