បរិញ្ញាបត្រផ្នែកវិទ្យាសាស្ត្រទិន្នន័យ និងវិស្វកម្ម DSEBD

កម្មវិធីសិក្សាថ្នាក់បរិញ្ញាបត្រផ្នែកវិទ្យាសាស្ត្រ និងវិស្វកម្មទិន្នន័យ (Data Science and Engineering) ផ្តល់ជូននិស្សិតនូវចំណេះដឹង និងជំនាញពាក់ព័ន្ធនឹងបច្ចេកវិទ្យាទិន្នន័យ និងព័ត៌មានដ៏ទំនើប។ កម្មវិធីនេះផ្តោតលើវិស័យសំខាន់ៗមួយចំនួនដូចជា បច្ចេកវិទ្យា Web និង Cloud, បញ្ញាសិប្បនិម្មិត (AI) និងការរៀនរបស់ម៉ាស៊ីន (Machine Learning), ទិន្នន័យខ្នាតធំ (Big Data) និងភាពវៃឆ្លាតផ្នែកអាជីវកម្ម (Business Intelligence)។ និស្សិតអាចជ្រើសរើសការសិក្សាតាមរយៈមុខវិជ្ជា និងគម្រោងបញ្ចប់ការសិក្សា ការធ្វើសារណាស្រាវជ្រាវ ឬការចូលរួមកម្មវិធីបណ្តុះបណ្តាលបន្ថែមជាមួយក្រុមហ៊ុន ឬស្ថាប័ននានា។ អ្នកដែលបានបញ្ចប់ការសិក្សាអាចបន្តអាជីពការងារក្នុងវិស័យផ្សេងៗដូចជា ការវិភាគទិន្នន័យ, ភាពវៃឆ្លាតផ្នែកអាជីវកម្ម, វិស្វកម្មទិន្នន័យ ព្រមទាំងវិស័យបញ្ញាសិប្បនិម្មិត និងការរៀនរបស់ម៉ាស៊ីន។