បរិញ្ញាបត្រវិស្វកម្មជីវបច្ចេកវិទ្យា BBE

កម្មវិធីសិក្សាថ្នាក់បរិញ្ញាបត្រផ្នែកវិស្វកម្មជីវសាស្ត្រ (Bioengineering) ឬបច្ចេកវិទ្យាជីវសាស្ត្រ (Biotechnology) ផ្តល់ជូននិស្សិតនូវចំណេះដឹងអំពីវិស្វកម្ម ព្រមទាំងដំណើរការផ្នែកគីមី និងជីវសាស្ត្រ ដែលត្រូវបានប្រើប្រាស់ក្នុងវិស័យវេជ្ជសាស្ត្រ និងសុខាភិបាល ឧស្សាហកម្មចំណីអាហារ និងកសិ-ឧស្សាហកម្ម វិស័យកសិកម្ម និងវិស័យបរិស្ថាន។ កម្មវិធីនេះគ្របដណ្តប់លើផ្នែកសំខាន់ៗនៃបច្ចេកវិទ្យាជីវសាស្ត្រ និងត្រៀមលក្ខណៈឱ្យនិស្សិតសម្រាប់អាជីពការងារក្នុងវិស័យនានា ដូចជា បច្ចេកវិទ្យាជីវសាស្ត្រផ្នែកចំណីអាហារ បច្ចេកវិទ្យាជីវសាស្ត្រផ្នែកអតិសុខុមប្រាណ និងអង់ស៊ីម បច្ចេកវិទ្យាហ្សែន និងបច្ចេកវិទ្យាកោសិការុក្ខជាតិ។ លើសពីនេះ និស្សិតក៏នឹងអភិវឌ្ឍជំនាញទំនាក់ទំនង ការធ្វើការងារជាក្រុម ភាពជាអ្នកដឹកនាំ និងភាពជាសហគ្រិន ព្រមទាំងទទួលបានបទពិសោធន៍ជាក់ស្តែងតាមរយៈការចុះកម្មសិក្សាដែលមានរយៈពេលយ៉ាងតិច ៦ សប្តាហ៍។