បរិញ្ញាបត្រវិស្វកម្មទូរគមនាគមន៍និងអេឡិចត្រូនិក TEEBD

កម្មវិធីសិក្សាថ្នាក់បរិញ្ញាបត្រផ្នែកវិស្វកម្មទូរគមនាគមន៍ និងអេឡិចត្រូនិក បានរួមបញ្ចូលគ្នានូវបច្ចេកវិទ្យាទូរគមនាគមន៍ និងអេឡិចត្រូនិក។ កម្មវិធីនេះផ្តល់ជូននិស្សិតនូវចំណេះដឹង និងជំនាញអនុវត្តជាក់ស្តែងលើប្រព័ន្ធទំនាក់ទំនង បច្ចេកវិទ្យាអគ្គិសនី និងអេឡិចត្រូនិក ការទំនាក់ទំនងតាមខ្សែ និងឥតខ្សែ សញ្ញាអេឡិចត្រូម៉ាញេទិក និងឧបករណ៍អេឡិចត្រូនិក។ និស្សិតនឹងអភិវឌ្ឍសមត្ថភាពក្នុងការរចនាប្រព័ន្ធ និងឧបករណ៍ ការធ្វើការស្រាវជ្រាវ និងការដោះស្រាយបញ្ហាជាក់ស្តែង ព្រមទាំងអភិវឌ្ឍជំនាញធ្វើការជាក្រុម ភាពជាអ្នកដឹកនាំ និងភាពជាសហគ្រិន។ លើសពីនេះ កម្មវិធីសិក្សាក៏តម្រូវឱ្យមានការចុះកម្មសិក្សាដែលមានរយៈពេលយ៉ាងតិច ៦ សប្តាហ៍ ដើម្បីផ្តល់បទពិសោធន៍ជាក់ស្តែង និងពង្រឹងជំនាញវិជ្ជាជីវៈ និងជំនាញទំនាក់ទំនងរបស់និស្សិតផងដែរ។