ដេប៉ាតឺម៉ង់សង្គមវិទ្យា

សូមស្វាគមន៍មកកាន់ដេប៉ាតឺម៉ង់សង្គមវិទ្យា ( DoS) នៃសាកលវិទ្យាល័យភូមិន្ទភ្នំពេញ។ ត្រូវបានបង្កើតឡើងក្នុងឆ្នាំ១៩៩៤ ដើម្បីចូលរួមចំណែកក្នុងការស្តារនីតិសម្បទា និងការអភិវឌ្ឍសង្គមកម្ពុជាឡើងវិញ បន្ទាប់ពីឆ្លងកាត់ជម្លោះសង្គ្រាមស៊ីវិលជាច្រើនទសវត្សរ៍ ដេប៉ាតឺម៉ង់សង្គមវិទ្យាបានឈរជើងជាគ្រឹះស្ថានត្រួសត្រាយផ្លូវតែមួយគត់នៅកម្ពុជា សម្រាប់ការអប់រំវិជ្ជាជីវៈ ការស្រាវជ្រាវ និងការផ្តល់សេវាកម្មសង្គមបែបសង្គមវិទ្យា។

តាមរយៈការផ្សារភ្ជាប់ទ្រឹស្តីសិក្សា និងការស្រាវជ្រាវវិទ្យាសាស្ត្រទៅនឹងស្ថានភាពជាក់ស្តែងនៅក្នុងសង្គម យើងបណ្តុះបណ្តាលនិស្សិតឱ្យមានការគិតបែបស៊ីជម្រៅ ក្រមសីលវិជ្ជា និងជំនាញវិភាគចាំបាច់ ដើម្បីរួមចំណែកដោះស្រាយបញ្ហាប្រឈមដ៏ស្មុគស្មាញផ្នែកសង្គម វប្បធម៌ សេដ្ឋកិច្ច និងបរិស្ថាន។ តាមរយៈកិច្ចសហការយ៉ាងសកម្មជាមួយដៃគូសិក្សាទាំងក្នុង និងក្រៅប្រទេស ក្រសួង-ស្ថាប័នរដ្ឋ និងអង្គការមិនមែនរដ្ឋាភិបាល ទាំងសាស្រ្តាចារ្យ និងនិស្សិតរបស់យើងបាននិងកំពុងចូលរួមចំណែកយ៉ាងសកម្មក្នុងការកសាងគោលនយោបាយផ្អែកលើភស្តុតាង និងការផ្លាស់ប្តូរសង្គមប្រកបដោយចីរភាពនៅកម្ពុជា។