ដេប៉ាតឺម៉ង់អភិវឌ្ឍន៍ និងគ្រប់គ្រងឧត្តមសិក្សា

ដោយសារតែគ្រឹះស្ថានឧត្តមសិក្សានៅកម្ពុជាមានការរីកចម្រើនយ៉ាងឆាប់រហ័ស និងចំនួននិស្សិតចូលរៀន នៅគ្រឹះស្ថានឧត្តមសិក្សាក៏កើនឡើងជាបន្តបន្ទាប់ នាយកដ្ឋានសិក្សាឧត្តមសិក្សា (Department of Higher Education Studies) ត្រូវបានបង្កើតឡើង ដើម្បីបណ្តុះបណ្តាលនិស្សិតឲ្យមានការយល់ដឹង កាន់តែច្បាស់អំពីការអភិវឌ្ឍប្រព័ន្ធឧត្តមសិក្សា បញ្ហាប្រឈមបច្ចុប្បន្នដែលគ្រឹះស្ថានឧត្តមសិក្សាកំពុង ប្រឈមទាំងនៅកម្រិតស្ថាប័ន និងកម្រិតជាតិព្រមទាំងវិធីសាស្ត្រដែលអាចប្រើដើម្បីដោះស្រាយឧបសគ្គ ទាំងនោះ។ទស្សនៈទ្រឹស្តីផ្សេងៗដែលត្រូវបានបង្ហាញតាមរយៈករណីសិក្សាជាក់ស្តែងពីបរិបទផ្សេងៗនៅ ជុំវិញពិភពលោកនឹងត្រូវយកមកសិក្សា និងវិភាគដើម្បីជួយបំភ្លឺអំពីបញ្ហា និងបញ្ហាប្រឈមដែលគ្រឹះស្ថាន ឧត្តមសិក្សានៅកម្ពុជាកំពុងជួបប្រទះ។