ដេប៉ាតឺម៉ង់គ្រប់គ្រងពាណិជ្ជកម្មអន្តរជាតិ

សេចក្តីផ្តើមអំពីដេប៉ាតឺម៉ង់គ្រប់គ្រងពាណិជ្ជកម្មអន្តរជាតិ (IBM)
ហេតុអ្វីត្រូវសិក្សាជំនាញ IBM នៅ RUPP?
ការសិក្សាអំពីពាណិជ្ជកម្មអន្តរជាតិមានសារៈសំខាន់កាន់តែខ្លាំងឡើង។ ការអភិវឌ្ឍផ្នែកបច្ចេកវិទ្យា នយោបាយ និងសេដ្ឋកិច្ច បានធ្វើឱ្យប្រតិបត្តិការអាជីវកម្មប្រចាំថ្ងៃអាចប្រព្រឹត្តទៅបានក្នុងកម្រិតពិភពលោក ដែលអ្នកគ្រប់គ្រងអន្តរជាតិមានប្រៀបជាងគេនៅក្នុងទីផ្សារការងារ និងប្រភពវត្ថុតាង/ធនធានដើម។

កម្មវិធីបរិញ្ញាបត្រនេះ ផ្តល់ជូននិស្សិតនូវការសិក្សាទូលំទូលាយ បែបវិភាគ និងការបូកបញ្ចូលគ្នានៃដំណើរការអាជីវកម្ម ដែលតម្រង់ទិសជាពិសេសទៅលើបញ្ហាសកល ដូចជាយុទ្ធសាស្ត្រអន្តរជាតិ និងការគ្រប់គ្រងឆ្លងវប្បធម៌។ វាស័ក្តិសមបំផុតសម្រាប់អ្នកដែលបំណងចង់ទទួលបានសញ្ញាបត្រគ្រប់គ្រងពាណិជ្ជកម្មទូទៅ ដោយបន្ថែមនូវអត្ថប្រយោជន៍នៃចក្ខុវិស័យសកល និងការតម្រង់ទិសជាអន្តរជាតិ។

និស្សិតនឹងត្រូវបានបំពាក់បំប៉ននូវជំនាញចាំបាច់ដើម្បីទទួលបានជោគជ័យក្នុងអាជីវកម្ម ក្នុងបរិបទប្រកួតប្រជែងខ្ពស់នៃបរិស្ថានអន្តរជាតិ ព្រមទាំងអភិវឌ្ឍការយល់ដឹងក្នុងវិស័យសហគ្រិនភាព និងស្ថានភាពការងារជាក់ស្តែងនៅក្នុងក្រុមហ៊ុនពហុជាតិ។
វិធីសាស្ត្របង្រៀននៅក្នុងកម្មវិធី IBM នៅ RUPP
នៅក្នុងកម្មវិធី IBM និស្សិតនឹងជួបប្រទះនូវទម្រង់នៃការបង្រៀនខុសៗគ្នា ដែលរួមមាន៖
- ការធ្វើការជាក្រុម (Working in Teams): ការធ្វើការជាក្រុមបង្កើតឱ្យមានអន្តរកម្ម ការទំនាក់ទំនងចំហ និងការបង្កើតគំនិតថ្មីៗ ដែលធ្វើឱ្យសមត្ថភាពធ្វើការជាក្រុមអន្តរវិស័យក្លាយជាជំនាញខ្វះមិនបាននៅក្នុងអង្គភាពអន្តរជាតិទំនើប។
- ការបង្រៀនទ្រឹស្តី និងការណែនាំ (Lectures & Instruction Lectures): ការពន្យល់អំពីគោលគំនិតទ្រឹស្តី បង្ហាញពីឧទាហរណ៍ជាក់ស្តែងក្នុងជីវិត (ដូចជា អត្ថបទសារព័ត៌មាន វីដេអូ និងករណីសិក្សា) ព្រមទាំងការតភ្ជាប់ទ្រឹស្តីទៅនឹងការអនុវត្តជាក់ស្តែងសម្រាប់មុខវិជ្ជាបរិមាណ។
- ថ្នាក់សិក្ខាសាលាតូច និងជំនាញ (Tutorials & Skill Tutorials): ការពង្រីកការសិក្សាលើមេរៀនឱ្យកាន់តែលម្អិត ការធ្វើលំហាត់ ឬករណីសិក្សា ពិភាក្សាក្រុម និងការអនុវត្តជំនាញសរសេរ និងការធ្វើបទបង្ហាញ។

ការសិក្សានៅបន្ទប់ពិសោធន៍កុំព្យូទ័រ (PC Lab Sessions): ការបណ្តុះបណ្តាលជំនាញកុំព្យូទ័រកម្រិតខ្ពស់ ដើម្បីឱ្យនិស្សិតអាចយកទ្រឹស្តីទៅអនុវត្តលើកិច្ចការជាក់ស្តែង។