បរិញ្ញាបត្រ វិស្វកម្មបណ្តាញកុំព្យូទ័រ និងសន្តិសុខ NU_NES

ទិសដៅនៃជំនាញវិស្វកម្មបណ្តាញកុំព្យូទ័រ និងសន្តិសុខ សំខាន់គឺផ្តោតទៅលើការ បណ្តុះបណ្តាលសមត្ថភាពនិស្សិតដែលជាមូលធនមនុស្សក្នុងយុគសម័យឌីជីថលឱ្យ មានសមត្ថភាពពេញលេញ លើជំនាញរៀបចំផែនការ រចនាគភ្ជាប់បណ្តាញកុំព្យូទ័រ អ៊ីនធឺណិតអ៊ីម៉ែល បណ្តាញសង្គម សន្តិសុខលើបណ្តាញកុំព្យូទ័រ និងសុវត្ថិភាព ទិន្នន័យរបស់អ្នកប្រើប្រាស់ និងអង្គភាពការងារទាំងនៅក្នុងស្ថាប័នរដ្ឋ ឯកជន និងតាម បណ្តាក្រុមហ៊ុននានា ដូចជា ធនាគារ និងអង្គការសង្គមស៊ីវិលជាដើម។ ទន្ទឹមនឹងនេះ និស្សិតនឹងមានសមត្ថភាពក្នុងការចែករំលែកគ្រប់ធនធានរឹង (Hardware) និងទន់ (Software) ដោយប្រើប្រាស់បច្ចេកវិទ្យាថ្មីៗចុងក្រោយបង្អស់រួមមាន៖ Microsoft Windows, Open Source, Cisco, Python, AI, ព្រមទាំងបច្ចេកវិទ្យាគាំទ្រដល់ បណ្តាញកុំព្យូទ័រ (Technology supporting Computer Networking) ដ៏ទូលំ ទូលាយ ដោយមិនគិតពីរយៈចម្ងាយឆ្ងាយ ឬជិត រួមទាំង អាចសន្សំសំចៃ ពេលវេលា ថវិកា បង្កភាពងាយស្រួល ការងាររហ័សទាន់ចិត្ត សមស្របតាមយុទ្ធសាស្ត្រ ការងារនិងកាត់បន្ថយភាពស្មុគស្មាញលើដំណើរការងារប្រចាំថ្ងៃរបស់ស្ថាប័ន នីមួយៗប្រកបដោយប្រសិទ្ធភាព និងផលជះខ្ពស់។