សាកលវិទ្យាល័យន័រតុន

មហាវិទ្យាល័យវិទ្យាសាស្ត្រសុខាភិបាល

NU_FHS បណ្ឌិត អ៊ុង វ៉ាន់ធឿន info@norton-u.com

អបអរសាទរចំពោះការសម្រេចចិត្តចុះឈ្មោះបន្តការសិក្សានៅ សាកលវិទ្យាល័យន័រតុន។ ក្នុងនាមជាសាកលវិទ្យាល័យឯកជនដែលមានវ័យចំណាស់ជាងគេនៅកម្ពុជា សាកលវិទ្យាល័យន័រតុន តែងតែផ្តល់នូវសម្ភារៈរូបវ័ន្តដែលមានគុណភាព សាស្ត្រាចារ្យដែលមានបទពិសោធន៍ក្នុងការងារជាក់ស្តែង និងក្នុងប្រព័ន្ធអប់រំថ្នាក់ឧត្តមសិក្សាដែលរៀបចំឲ្យនិស្សិតអភិវឌ្ឍជំនាញ និងចំណេះដឹងរបស់ពួកគេសម្រាប់អនាគតដែលពោរពេញដោយការប្រកួតប្រជែង ស្របពេលដែលកម្ពុជាកំពុងធ្វើសមាហរណកម្មចូលទៅក្នុងទីផ្សារថ្នាក់តំបន់ ក៏ដូចជាក្នុងសាកលលោកទាំងមូល។
ចាប់តាំងពីការបង្កើតដំបូងនៅឆ្នាំ ១៩៩៦ សាកលវិទ្យាល័យន័រតុន តែងតែពេញចិត្ត និងមានមោទនភាពចំពោះ អ្នកនយោបាយ អ្នកដឹកនាំក្នុងស្ថាប័ននានា និងពាណិជ្ជករដែលទទួលការអប់រំបណ្តុះបណ្តាលថ្នាក់ឧត្តមនៅសាកលវិទ្យាល័យរបស់យើង ហើយដែលកំពុងធ្វើការងារដោយជោគជ័យទាំងក្នុងប្រទេស ក្នុងតំបន់ និងក្នុងពិភពលោក។
នៅមហាវិទ្យាល័យសុខាភិបាលនៃ សាកលវិទ្យាល័យន័រតុន និស្សិតអាចសិក្សារៀនសូត្រតាមរយៈសកម្មភាពជាច្រើនដូចជាកាសិក្សាក្នុងថ្នាក់ជាទ្រឹស្តី ការអនុវត្តក្នុងថ្នាក់ ការអនុត្តនៅមន្ទីរពេទ្យ ការអនុវត្តនៅមន្ទីរពិសោធន៍ ការអនុវត្តតាមសហគមន៍ ការបណ្តុះបណ្តាលបន្ថែម ស្វ័យសិក្សា និងការសិក្សានៅក្រុមជាដើម។ លើសពីនេះ និស្សិតក៏នឹងត្រូវចូលរួមក្នុងសិក្ខាសាលាជាច្រើនដែលទាក់ទងនឹងបញ្ហានានាក្នុងការពង្រីកនូវវិសាលភាពនៃការអប់រំ ដើម្បីបន្ថែមទៅលើចំណេះដឹងរបស់ពួកគេ។
សាកលវិទ្យាល័យន័រតុន បានប្រកាន់គោលជំហរលើគុណភាពអប់រំដ៏ខ្ពស់បំផុត ហេតុដូចនេះហើយ យើងតែងតែធ្វើការជ្រើសរើសនូវ បុគ្គលិក និងសាស្ត្រាចារ្យដែលពោរពេញដោយសមត្ថភាព និងគំនិតច្នៃប្រឌិតល្អៗបំផុតពីគ្រប់ទិសទី ដើម្បីជម្រុញលើកទឹកចិត្តឲ្យបាននូវសហគមន៍បញ្ញវ័ន្តសម្រាប់និស្សិតក្នុងបំណងរៀបចំ និងកសាងអនាគតរបស់ពួកគេ។ ជាមួយគ្នានេះដែរ ន័រតុនតែងតែមានការរៀបចំដោយទៀងទាត់នូវសិក្ខាសាលាដោយធ្វើការអញ្ជើញវាគ្មិនដែលមានជំនាញនិងជាអ្នកឯកទេសពីសាកលវិទ្យាល័យល្បីៗដើម្បីពង្រឹងសមត្ថភាពដល់បុគ្គលិកនិងសាស្រ្តចារ្យក្នុងគោលបំណងផ្តល់នូវការអប់រំបណ្តុះបណ្តាលដ៏ល្អសម្រាប់និស្សិត ។
សូមស្វាគមន៍មកកាន់សាកលវិទ្យាល័យន័រតុន។
យើងខ្ញុំរីករាយនឹងរង់ចាំចូលរួមជាចំណែកមួយក្នុងការអភិវឌ្ឍន៍ជំនាញរបស់និស្សិតគ្រប់រូប។

ដោយក្តីរាប់អានបំផុត!
បណ្ឌិត អ៊ុង វ៉ាន់ធឿន

ព័ត៌មាន និងអត្ថបទចុងក្រោយ

មិនទាន់មានអត្ថបទចុះផ្សាយទេ

ទំនាក់ទំនង

Email info@norton-u.com

សាកលវិទ្យាល័យន័រតុន